AHİTA və Azərbaycan Sambo Federasiyası arasında əməkdaşlıq görüşü keçirildi
20 may 2025-ci il tarixində Azərbaycan Həmkarlar İttifaqları İdman Təşkilatları Assosiasiyası İctimai Birliyinin (AHİTA) inzibati binasında AHİTA ilə Azərbaycan Sambo Federasiyası arasında əməkdaşlığa dair görüş keçirildi.
Görüşdə Azərbaycan Sambo Federasiyasının baş katibi Ramin Mahmudov və federasiyanın İcraiyyə Komitəsinin üzvü, əməkdar məşqçi Səhliman Ağayev iştirak edərək sambo idman növünün inkişafı və gələcək perspektivlərindən danışıblar.
Görüş zamanı AHİTA İctimai Birliyinin direktoru Tural Qasımov çıxış edərək həmkarlar ittifaqları sistemində idmanın inkişafı, xüsusilə sambonun kütləviləşməsi, gənclərin bu idman növünə marağının artırılması və birgə layihələrin həyata keçirilməsi imkanlarına toxunub.
Tərəflər arasında sambo idman növünün həmkarlar arasında təbliği, birgə tədbirlərin təşkili və sosial layihələr üzrə əməkdaşlıq barədə fikir mübadiləsi aparılıb.
Bu görüş gələcək birgə fəaliyyətlərin əsası kimi dəyərləndirilib.
İstinad: AHİTA facebook səhifəsi
https://www.facebook.com/story.php?story_fbid=1011057177878596&id=100069229689467&mibextid=wwXIfr&rdid=safJ7iJpU7nEMiey#
