BEYNƏLXALQ TURNİRDƏ 1 QIZIL, 1 BÜRÜNC MEDAL VƏ KOMANDA YARIŞINDA 3-CÜ YER

01-04 sentyabr 2023-cü il tarixdə Gürcüstanın Tbilisi şəhərində sambo güləşi üzrə kişilər arasında Dünya və Avropa çempionu Arçil Çoxeliyə həsr olunmuş Beynəlxalq Turnirdə Milli yığma komandamızın 7 idmançısı və 1 məşqçisi iştirak etmişdir.

Belə ki, ölkəmizi bu yarışda Babayev Sahib (58 kq), Bağırov Elvin (64 kq), Məmmədov Fuad (64 kq), Göyüşov Pünhan (71 kq), Abbasov Elcan (79 kq), Məmmədov Ağani (88 kq), Əsədov Şahin (98 kq) çəki dərəcələrində təmsil edərək,

64 kq çəki dərəcəsində Bağırov Elvin qızıl və eyni çəki üzrə Məmmədov Fuad bürünc medal qazanmışlar.

Komandamız həmçinin komanda yarışında 3-cü yeri tutmuşdur.

Komanda rəhbərli Milli yığma kömandanın baş məşqçisi Vahid Tarverdiyevdir.

İdmançılarımızı təbrik edirik!