Şəhid Elvin İslamovun xatirəsinə həsr olunmuş açıq turnir keçirilmişdir

18-19 noyabr 2023-cü il tarixdə Abşeron Olimpiya İdman Kompleksində II Qarabağ-Vətən müharibəsi şəhidi, gizir Elvin İslamovun xatirəsinə həsr olunmuş sambo güləşi üzrə kadetlər arasında açıq turnir keçirilmişdir.

Turnir Abşeron-Xızı Regional Gənclər və İdman İdarəsinin, Azərbaycan Sambo Federasiyasının dəstəyi və Yasamal-Sambo İdman Klubunun rəhbərliyinin təşəbbüsü ilə baş tutmuşdur.

Yarışda 42, 46, 49, 53, 58, 64, 71, 79, 88, +88 çəki dərəcələrində  2007, 2008, 2009-cu il təvəllüdlü idmançılar iştirak etmişlər, çəki dərəcələri üzrə qaliblər və mükafatçılar müəyyən edilmişdir.

Yarışın təntənəli açılışında şəhid ailələri iştirak etmişdir. Ailə üzvləri və federasiya nümayəndələri çıxışlar etmişlər. Şəhid Elvin İslamovun ailəsinə xatirə hədiyyəsi təqdim olunmuşdur.

.ASF