Sambo üzrə ölkə çempionatı və birinciliklərinin qalib və mükafatçları məlum oldu

09-12 yanvar 2025-ci il tarixdə Gənclər və İdman Nazirliyinin və Azərbaycan Sambo Federasiyasının təşəbbüsü ilə sambo idman növü üzrə kişilər arasında ölkə çempionatı və yeniyetmələr, gənclər arasında ölkə birincilikləri baş tutmuşdur.

Yarışda ölkəmizin şəhər və rayonlarından 400-ə yaxın idmançı mübarizə aparmışdır. 3 yaş qrupu üzrə  qalib və mükafatçıların müəyyən olunduğu çempionat Avropa çempionatına seçmə xarakteri daşıyırdı. 

Yarışın mükafatlandırma mərasimində Gənclər və İdman Nazirliyinin əməkdaşı Rəşad Rəsulov və digər qonaqlar iştirak edərək, qalib və mükafatçıları təbrik etmişdir.

Beləliklə yarışın yekunlarına əsasən, kişilər arasında Eyvaz Baxşiyev (58 kq), Mirfəttah Seyidəliyev (64 kq), Hacalı Qasımov (71 kq),  Asim Qulamzadə  (79 kq), Adil Adilzadə (88 kq), Eyvaz Nəsibli (98 kq), Məhəmməd Məmmədzadə (+98 kq), yeniyetmələr arasında Yusif Əliyev (53 kq), Elcan Ələkbərov (58 kq), Nihad Rəhimov (64 kq), Kənan Məmmədli (71 kq), Mənsur Bayramov (79 kq), İmran Zülfüqarzadə (88 kq), Əbubəkir Huseynov (98 kq),   Rəsul Səmədzadə (+98 kq), gənclər arasında isə Nicat İsmayılov (58 kq), Nicat Rəhimov (64 kq), Cavad İsayev (71 kq), Murad Allahverdiyev (79 kq), Fərəc Gözəlov (88 kq), Nihat Əlizadə (98 kq),   Hacbaba İmaməliyev (+98 kq) çəki dərəcələrində qalib olmuşlar.

Qalib və mükafatçıları təbrik edirik!

ASF