Əməkdar məşqçi Əbülfəz Əliyevin xatirəsinə həsr olunmuş yeniyetmələr, gənclər və kişilər arasında Ölkə Kuboku
Gənclər və İdman Nazirliyinin və Azərbaycan Sambo Federasiyasının birgə əməkdaşlığı ilə 03-06 iyul tarixlərdə Abşeron Olimpiya İdman Kompleksində sambo idman növü üzrə Əməkdar məşqçi Əbülfəz Əliyevin xatirəsinə həsr olunmuş yeniyetmələr, gənclər və kişilər arsında Ölkə Kuboku keçirilmişdir.
Yarış çərçivəsində sambo idman növü üzrə Beynəlxalq Ekstra dərəcəli hakim Cabir İsmayılovun rəhbərliyi ilə milli dərəcəli hakimlərimiz üçün hakimlik seminarı keçirilmişdir.
Yarışda ölkəmizin şəhər və rayonlarından idman klubları, idman cəmiyyətləri, təşkilatları, UGİM, İOEUGİM və s.idmançılar iştirak ediblər. 3 yaş qrupu üzrə keçirilən yarışda 2007-2008-ci il təvəllüdlü yeniyetmələr, 2005-2006-cı il təvəllüdlü gənclər və 2004 və yuxarı təvəllüdlü kişilər mübarizə aparmışlar.
Yarışın təntənəli açılışında Gənclər və İdman Nazirliyinin nümayəndələri, Azərbaycan Sambo Federasiyasının Rəhbərli və ölkəmizin titullu idmançıları qonaq qismində iştirak edərək, çıxışlar etmişlər. İdmançlarımıza qarşıdan gələn mötəbər beynəlxalq yarışlarda uğurlar arzulamışlar.
Yarışın nəticələrinə əsasən yeniyetmələr arasında (53 kq) Abdullətif Musayev, (58 kq) Rüstəm Qasımzadə, (64 kq) Nihad Rəhimov, (71 kq) Mikayıl Əmirov, (79 kq) Sadiq Nadirov, (88 kq) Xəzər Əmrahlı, (98 kq) Əbubəkir Hüseynov, (+98 kq) Rəsul Səmədli, gənclər arasında (58 kq) Nicat İsmayılov, (64 kq) Nicat Rəhimov, (71 kq) Cavad İsayev, (79 kq) Ricad Nadirov, (88 kq) Fərəc Gözəlov, (98 kq) Rəşad Şirinli, (+98 kq) Hacbaba İmaməliyev, kişilər arasında (58 kq) Vaqif Mirzəli, (64 kq) Nihad Rəhimov, (71 kq) Kamran Qasımov, (79 kq) Əhməd Ağayev, (88 kq) Adil Adilzadə, (98 kq) Rəsul Aydəmirov, (+98 kq) Toğrul Salmanov qalib olmuşlar.
Qalib və mükafatçlarımızı təbrik edirik və uğurlar arzulayırıq!
ASF
